Dve rali zmeržnjenoga jognja | Tomislav Ribić

1984. METAMORFOZE

hudi se gosti v rajski sliki / načerčkan Sikstini / v sfumato meglini / vu vsaki sliki zviraju čudni liki / grifon riga žvepleni zrak / hudoga me lovi krak / zvleče z mene malo kmice / zima nosi zanoktice / golo pole, bele ptice / zgubil jesem obraz, lice / curi kerv z svetoga križa / brižđi sneg kot da je riža

crawling down the alley on your hands and knee / I’m sure you’re not protected, for it’s plain to see / The diamond dogs are poachers and they hide behind trees

puziš po cesti na rokam i koleni / vidim, nikaj ti ne pomaže / đemantni pesi su lovokradlivci i skrivaju se za drevim

D. Bowie, Diamond Dogs

pavki se spuščaju z vseh stran / zapleli su me v klupko hibernacije / plaziju z svojim velkim nogam po mojem telu / lučeju v moje joči z svojim velkim černim jočmi / giftaju me / nosiju kaštigu, nerazumnu / duo crimina: carmen et error / gubim se / spreminja mi se telo / rasteju joči po trebuhu, dlani / muhe zujijo okoli mene / zlate joči im bleščiju

gift mi je vu venam / senjam kak me iščejo đemantni pesi / spremenjam se v jenej od svojih metamorfoz / kaj bu ostalo od mene / kuščerovi parkli zviraju z buketov trave i loviju me / kosec se smeje z herđavom kosom / v strahu vmiram z otpretim jočmi / v gutu velke lačne ptice kaj me nosi daleč i izplune / puzim po poli od glaža / đemantni pesi režiju i loviju me / spremenjaju se v jeni od svojih metamorfoz

BILJEŠKE

duo crimina: carmen et error – dva zločina: pjesma i greška (Ovidije); đemantni – dijamantni, Diamiond Dogs i 1984. pjesme D. Bowiea iz 1984. s albuma Diamond Dogs; gift – otrov; kuščer – gušter