Dve rali zmeržnjenoga jognja | Tomislav Ribić

O FABRIKI I RAFUNGU

fabrika se spominja lepših dnevov
ter senja o smiseli žitka z otprti jočmi
o cajti gda je dihala, a ni derhtala
gda je jezero ljudi vsaki den senjalo z njom
gda su ptiči delali gnezda na rafungi
vsako jutro je odpirala velku lesu
pola spred njom punila su se z bicikli
ve su puna herđavih štenderov
vmiraju pred njom
fabrika se zaprla v samu sebe
letve po obloki, lokoti na vrati
čez dežđovnu noč čuje se njen krič
gda se črep giba a rafung nebo išče
potiho vmira, prazna i zapuščena
dom je denevira
zrušili buju me – šepeče brezkončnosti vesmira
zvezde nje gerliju lasi
rafung je štel prijeti nebo za zadnjič
došli su ščera i podrezali ga
vmira v duši i potiho fučka
koprive mu ližejo pete
veter se spomina z njim
ptice mu popevaju vuspenku
a on senja zrušenu staru hrušku
i fučka niz veter jer je odnavek bil tu

BILJEŠKE

So whistle down the wind for I have always been right there – i fučka niz veter jer je odnavek bil tu (Tom Waits) – slobodna interpretacija stiha američkog glazbenika Toma Waitsa iz pjesme Whistle Down the Wind iz 1992. (verzija pjesme Joan Baez s njenog istoimenog albuma)