Dve rali zmeržnjenoga jognja | Tomislav Ribić

ZVEČERI BUŠ PRIŠLA TIHA KOT NOČ

I feel so bad I got a worried mind
I’m so lonesome all the time
Roy Orbison; Joe Melson, Blue Bayou

zvečeri buš prišla tiha kot noč
kušuvala buš mi pospano čelo
z vusnicam z narisanim dišečim karminom
tiha i dalka v moji samini skrita
z jočimi kaj spiraju tugu z kamenih cvetov
zgledala buš nestvarno
splašena ptica v tebi se zdiže i kriči
kreluti se rastežeju
noč budi zganjke
v tebi spi Trnovčica – pisalo je na ceduljici z kitajskoga kolača
tvoj glas spi v ovi sobi
puščam stare ploče Eagelse, Jacksona Brownea, Neil Younga
i ti si z njimi, tak tiha, tak lepa, čutkovita
oblečena v huipil
zazivaš duhe preteklosti
da zaživi kaj nemre zaživeti
zvečeri buš prišla tiha kot noč
i sova bu stiha, ne pustila ni glasa
strah ju je za tebe, za mene
jene večeri buš došla
snubiti me z drugoga sveta
v protuletje
gda zvezde buju cvele na murvi
diha ludskoga ne za čuti
a Drava bu oplahnula obale mojih miseli
kaj su odlandrale i zgubile se nad šašom
v snublenju ščuke
plavo vušče je tiho
drugači bubnji čujeju se z dalšine
veter se igra z vejami dreva živlenja
po nami siple topli dežđ dobrosložja
noč ti nosi popevke tvojega jape
a meni odelo za odraščanje

BILJEŠKE

Blue Bayou – pjesma Roya Orbisona iz 1963., pjesma poznata u verziji Linde Ronstadt iz 1977.; Trnovčica – Trnoružica; kitajski kolač – kineski kolač sudbine s mudrim i lijepim mislima; plavo vušče – aluzija na pjesmu Blue Byaou; drugači bubnji – aluzija na pjesmu Different Drum, Linde Ronstadt; Eagels – kalifornijska country rock grupa, u početku prateća grupa Linde Ronstadt; Jackson Browne – kalifornijski kantautor, jedan od nositelja country rock zvuka 70-ih godina XX. st.; Neil Young – kanadski kantautor često surađivao s L. Ronstadt (albumi Harvest, Harvest Moon); čutkovita – osjećajna; huipil – tradicionalna vezena meksička ženska odjeća; drevo živlenja – drvo života, bibl. drvo znanja koje povezuje zemlju s nebom i predstavlja kartu božanskih kvaliteta; dobrosložje – harmonija, sklad; popevke tvojega jape – aluzija na Canciones de mi padre – pjesme moga oca, album Linde Ronstadt iz 1987.