Dve rali zmeržnjenoga jognja | Tomislav Ribić

MEMORY MOTEL, ZAGREB 1976.

vse je bilo zahman
te čutek mi grize kosti
ni me štel ni poslušati gda sem mu pripovedal
da Stonesi imaju turneju Black and Blue
da imaju koncert v Zagrebu
vse je zahman gda si maloleten
generacijski jaz, ne razme me
bar sem probal nagovarati japu da me pusti na koncert Stonesa
v Dom sportov v Zagrebu
kak bi i Angie rekla
nebuju mogli reči da nisme probali
mislil sem: vreme je na moji strani
imam cajta, vre bum videl Stonese
na koncu vse je ponegda zahman
gda hoćeš nemreš, gda moreš več nečeš
i te čutek mi grize kosti
nigdar nisem bil na koncertu Stonesa
tej napol razlomleni glas Micka Jaggera v pesmi
Memory Motel grize mi kosti išče navek

BILJEŠKE

zahman – uzalud; čute – osjećaj; nebuju mogli reči… – prepjev stiha they can’t say we never tried (M. Jagger; K. Richards) pjesme Angie grupe The Rolling Stones iz 1973.; vreme je na moji strani – time is on my side (J. Ragovay) – naziv pjesme grupe The Rolling Stones iz 1964.; Memory Motel – pjesma grupe The Rolling Stones s albuma Black& Blue iz 1976.; i te čutek mi grize kosti – slobodni prijevod stiha iz pjesme Memory Motel – I keep on a feeling that’s gnawing in my bones (M. Jagger; K. Richards); išče navek – još uvijek