Dve rali zmeržnjenoga jognja | Tomislav Ribić

SENJAL SEM BO DEREK KAK BEŽI PO PEŠČANI PLAŽI

senjal sem Bo Derek kak beži po peščani plaži
moj pogled beži za njom
obernula se
pogled joj je zestal v meni
senjal sem Bo Derek kak beži po peščani plaži
poleg oceana, pod bregi palmi, po plaži od tisoč plavolasih bikinov
(o, tak bi štel da bi se pucke bile kak te kalifornijske)
zdigla je plimu v oceanu
ostal sem brez diha
senjal sem Bo Derek kak joj je tenja prešla prek mene na peščani plaži
bežal sem polehko za njom i tonul v pesek čkomine
(zgublene rečenice brez glagolov su prazen rudnik miseli
nezgovorenih reči kaj sme ih zarajtali po peroni mladosti
aorist preteklosti v kronikam skritopisca, sufliral mi je vitiznanec)
senjal sem Bo Derek kak leži poleg mene na plaži
zatresla se zemla, zestal je svet v našemu edenuvanju
pesek je gutal palme i brege, deklin bikini
viher je nesel listje, latice rož, vtaplali su se čistači bazenov
ostal sem sam na peščani plaži po koteri je bežala Bo Derek
v senjam o Kaliforniji, zemli jezero bikinov i Bo Derek

BILJEŠKE

I wish they all could be California girls / tak bi štel gda bi se pucke bile kak te kalifornijske (B. Wilson; M. Love) – pjesma grupe The Beach Boys iz 1965.; Bo Derek – američka glumica poznata po ulozi u filmu Blakea Edwardsa 10 iz 1979.; sverž – grančica; skritopisac – čovjek koji potajno bilježi događaje; edenuvanje – rajsko življenje; vtaplali su se čistači bazenov – aluzija na soft porno serijal iz sedamdesetih godina Doživljaji čistača bazena