Dve rali zmeržnjenoga jognja | Tomislav Ribić

ČKOMIM, HODIM ČEZ HOSTU, DUH TOMAŽA PENGOVA SKRIVA SE VU VSAKI TENJI

Šli so tiho brez zvena
lažni angeli sreče
polni blata na dnu srca
Tomaž Pengov, Potovanje nespečih

čkomim, hodim čez hostu, duh Tomaža Pengova skriva se vu vsaki tenji
i hiče v Dravu reči kaj postajeju otoki
zeleni oblaki rasteju z njih
čkomim, hodim čez hostu, duh Tomaža Pengova skriva se vu vsaki tenji
i šepeče
o Cesti
o Domaji
o Potovanju nespečih
Epistoli, Lažnim angelima sreče
reči su zrak kaj ga vudišem
lovim ih z rokami i zapiram v dlan
da ne potoneju v glubinu
čkomim, hodim čez hostu, duh Tomaža Pengova skriva se vu vsaki tenji
one rasteju, gubiju se
odhajaju, dohajaju, zvoniju
slike hoste se menjaju
ve je jesen, ve protuletje
listje mi raste z dlanov, listje vene v lasi
veje su moje vre kerhkih kosti
čkomim, hodim čez hostu, duh Tomaža Pengova skriva se vu vsaki tenji
išče ju zgubleni dečec koteri čuti saminu ceste
čkomim, hodim čez hostu, rađam se i vmiram sto krat v denu
poslušam: preteklost curi z veji kot leplivi dežđ
vlečeju se za menom pozoji od škarniclpapera čez leta do hipa
gda se buju naši duhi zišli v nekoterom od naših odputovanja

BILJEŠKE

Tomaž Pengov – slovenski kantautor, pjesnik, 1973. snimio Odpotovanja, jedan od prvih i do danas najznačajnijih kantautorskih albuma na rock sceni; Cesta, Domaja, Epistola, Potovanje nespečih – nazivi pjesama s albuma Odpotovanja