Dve rali zmeržnjenoga jognja | Tomislav Ribić

EGZORCIST V SOBI 237

Edo je rekel da idemo v kino glet nekakovi horor, tu noč nisem dugo mogel zespati, vse mi se vertelo v glavi, znova i znova, vse te hude slike več nemrem zbrisati, sam se vertiju, pustile su pregliboko korenje, strah se v meni koti: poltergeist; vse ruži, noži i vilice letiju čez sobu, zapikavaju se vu vrata, živi i mertvi zviraju ze zidi, kerv curi z plafona kot leplivi dežđ, zombiji se budiju, zlate kače z Queimada Grandea okoli stola kružiju, gliljaki ružiju; vrag je vušel v susednu hižu, stolci se pomikaju, vrata odpiraju, Jezuš se klima na križu, Pazuzu je zašel v sobu 237; drempavi ajngeli v ajngelovku vlovleni, deršču, kreluti stepaju, od straha ščiju, kadaver pod tušom se smeje, Regan vrišči, glavu preobrača, stolci se premikaju, vulkan riga pepel, černi dim prekriva svet, Pazuzu bi štel ze znutrenja ziti, je to Omen: kriči biškup – konec sveta; zapiram obloke, stiščem se v postele, slike sam zviraju, ne daju mi mira; vrag je vušel v susedovu hižu, stolci se premikaju, vrata zapiraju, živi mertveci vseposud zviraju…

Edo je pak rekel da idemo v kino glet nekakovi horor, glavu sem preobernul i rigal sem ogenj po varašu i poslušal glas: moreš me zvati Lucifer, kajti, štel bi biti malo vuzderžan…

BILJEŠKE

poltergeist – paranormalni fenomen koji se iskazuje kao fizička manifestacija psihičkog uzroka; Queimada Grande – otok zmija kod Brazilske obale; Pazuzu – prema asirskoj mitologiji bog demona vjetra; soba 237 – soba iz filma Stanleyja Kubricka Isijavanje iz 1980.; Regan – lik iz filma Egzorcist Williama Friedkina iz 1973.; ajngelovka – neologizam: krletka za anđele; Omen – kob, dobar ili loš predznak, predskazanje (horor film Richarda Donnera iz 1976.); moreš me zvati Lucifer kajti štel bi biti malo vuzderžan – slobodan prijevod stiha Just call me Lucifer, ’cause I’m in need of some restraint iz pjesme Sympathy for the Devil (M. Jagger; K. Richards) grupe The Rolling Stones; vuzderžan – suzdržan