Dve rali zmeržnjenoga jognja | Tomislav Ribić

KAK ME JE ČEPEK VUPOZNAL Z CATOM STEVENSOM

meštri cajta režeju naše veje vsaki den, podrezani z oštri škaram idemo dale zgubleni v svoji poterplivi zgrblenosti, a da ni ne spoznamo kak sme prevelki vre i sami sebi, polehko se premenjamo, gradimo i moste i zide… „a tulko tega moraš znati“…

Čepek je vsaki den pripovedal o Catu Stevensu
na putu od apoteke vu Vrazovoj do Gimnazije
znal sem več o Catu neg o kemiji i tehničkom skupa
senjal sem neko noč kak je puščal glazbu v Klubu V3
Argus, Wisbon Ash
navek je bil v orginalnim levisicam
korak pred nami v super riflam z Trsta
sviral je kitaru na izleti z Gogijem i Špirijem
klasični saundtrack z sedamdesetih, rekel bi Janko
Černi leptir, Makedonija, Simon i Garfunkel, Cat Stevens
Albatros Fleetwood Maca
vsaku večer posle škole klafrali sme z Anislavom i Zdenkom
pred robnom hižom VA-MA kaj se tedar gradila
o filmi, muziki, knigam, o vsemu i vsačemu
zna mi se v glavi zavrteti te černo-beli film – drugi razred gimnazije
Čepek je kak nekakov duh preteklosti kaj se mota po sobi vsaki put gda
poslušam Cata Stevensa
dremal sem v posteli i poslušal Cata
germelo je, strela je vudrila v drevo par hiž dale v Kumičičevi
doživel sem blackout
v sobi nad stolom odperl se hologram
Čepek i Cat, kak otec i sin

BILJEŠKE

There’s so much you have to know / a tolko tega moraš znati (Father and Son) – pjesma britanskog kantautora Cata Stevensa iz 1970.; zgurenost – pogurenost, snuždenost