Dve rali zmeržnjenoga jognja | Tomislav Ribić

MIHOLSKO LETO SKRIVA TRAGE MERTVIH

vehnule su senje, vehnule su tenje, vehnula je fijolica, ftihnula je glazba, dva mladeniča Drava je zela, stara Močnikica v černini sedi, televizor gledi, još v senjah sneva kak voda nosi njihova tela, vehnula je Jakica, vehnul je smisel, zganjke rešava, zaklenula je vrata njihove sobe, tam več ne kroči, sam sonce čez spoterto steklo gledi kak slika dečkov na zidu bledi / vehnule su senje, se su vekše tenje / reka žoltare nosi: „mutna reka, tvoja mutna voda zela mi je dete“

sam reka more zbrisati glase i slike
onih kaj ih je odnesla
kervavih stopal hodim i poslušam
zgublene glase susedov
tenje im šepeču po Bombellesovoj štreki
iščeju obrisače, rubače, natikače
rečni zloduh ih je skril
zaronil sem v Dravu
ohladil misel
zronil bi v nečijem drugom telu
bil bi čuvar plaže, spasilec nesrečnih duš
ribiči se skrivaju v šašu
komari napadaju
glava mi je puna, puknula bu
od gravitacije, hibernacije, levitacije
ronim čez miholsko leto suho i žuto
krizanteme nosiju alergije
maloši se skrivaju pod korenom topola
negdo odhaja z čonom
čujem veslo kak roni v reku
zranjam z Drave v telu zlatoga kuščera

BILJEŠKE

Moody River – Moody river, your moody water took my baby’s life (Chase Webster) – hit pjevača Pat Bonea iz 1961.; Bombellesova štreka – plemićka obitelj Bombelles je 1919. sagradila uskotračnu prugu u dužini od dvadesetak kilometara od Vinice do Varaždina za izvoz svojih agrarnih proizvoda; pruga je 1937. demontirana, ali su u Dravskoj šumi ostali dijelovi pruge do početka sedamdesetih godina; Jakica Močnik – susjeda, učiteljica kojoj su se oba sina utopila u Dravi; čuvar plaže – aluzija na film Gorana Paskaljevića Čuvar plaže u zimskom periodu iz 1976.; napomena uz sliku ronjenja – kad čovjek dotakne licem hladnu vodu doživi tzv. metamorfozu, zaroni li, ritam srca se usporava, a mozak prelazi u meditativno stanje te ima osjećaj pripadnosti dijelu vodenog svijeta (gravitacija, hibernacija, levitacija); zranjam z Drave v telu zlatega kuščera – preobrazba u zlatnog guštera i aluzija na poemu Jimma Morisona The Celebration of the Lizard; kuščer – gušter