Dve rali zmeržnjenoga jognja | Tomislav Ribić

ON KAJ SE SPOMINA Z VETROM

Bog zna, gda puše merzli veter
obernul bu ti glavo
James Taylor, Fire and Rain

ni ga več tri dni
iščemo ga
pripovedala je soseda, Perekova mati moji, pod oblokom
išla je žalosna z placa
je pri kakovi flundri završil
nič ni rekel kam ide

iščemo ga
iščemo po polji
po hosti
v dravskomu šašu
po soncu, po dežđu
pod ambrelom noči
gde se je skril
morti z oblaki landra
morti v Dravi zlato išče
samo da z ribam ne senja

veje su ga skrile
v zelenom kaputu
z pticami je letel
na sohi se njihal
ve duh njegov po hoste hodi
i z vetrom se spomina

BILJEŠKE

Bog zna – prepjev stiha Lord knows, when the cold wind blows / it’ll turn your head around; James Taylor – američki kantautor, autor pjesme Fire and Rain iz 1971. posvećene autorovoj prijateljici Suzzane koja je počinila samoubojstvo; soha – suha grana na kojoj netko visi; landra – luta