Dve rali zmeržnjenoga jognja | Tomislav Ribić

ZADNJI TANGO V PARIZU

mama, oooh, didn’t mean to make you cry
mama, oooh, nisem te štel rasplakati
F. Mercury, Bohemian Rhapsody

mama, kak sme lagali, kak sme Edo i ja lagali
kaj idemo glet v kino
mama, skoro vsaki put sme se zlagali
i gda sme išli glet Zadnji tango v Parizu
znovič nas nesu pustili nutri
vsemi sme rekli da sme vidli film
kak sme lagali gda sme išli glet Pasolinijev Cvet 1001 noči
a rekli da idemo v kino Sutjeska glet
Vmorjstvo v Orient Expressu z Ingrid Bergman
(vsa sreča da sem pročital knigu)
mama, bežali sme z nedelne meše na jutrenu matineju v kino Gaj
odišli z susedom Rudom na pole na koli
i vužgali ogenj na prašnjavi cesti zpram Novi Vesi
namazli se z černom zgorevinom
tancali i kričali kot Indijanci okoli jognja
v divlini
goli i bosi
noreli sme po poli
Edo, Slon i ja
krumpere kotere sme skopali z šibam i prsti
pekli v rupam pri potoku
mama, kakovi sme onda bili česaki
premali za Zadnji tango v Parizu
a kadili sme v kuruziščima kak velki, mama

BILJEŠKE

Bohemian Rhapsody – pjesma grupe The Queen iz 1975. (mama, oooh… slobodan prepjev stiha iz pjesme); Posljednji tango u Parizu – film B. Bertoluccija s M. Brandom i M. Schneider iz 1972. (premijera filma bila je u Varaždinu); Cvijet 1001. noći – filmska adaptacija Piera Paola Pasolinija drevnih arapskih bajki iz 1001 noći koje slave mladost i užitak u životu iz 1974., dobitnik specijalne nagrade Grand prix u Canesu 1974.; česak – fakin