Dve rali zmeržnjenoga jognja | Tomislav Ribić

ZBUDIL SEM SE KAK ELTON JOHN (JEN DEN V ŽIVLENJU)

čital sem denes vesti, o, dečec
četiri tisuč punikvi…

… se odprlo i potlam
zbudil sem se kak Elton John z frizuru Rogera Daltreya
i srebrnim škornji z visokom petom
z hlačam i rubaču z gliteri, o, dečec
Lennon i McCartney su špilali kitare
zdigel sem se z kauča
nisu se obračali za menom
odišel sem v drugu sobu i
gledal černo-beli film Sabotaža, o, dečec
žulale su me srebrne električne škornje z visokom petom
zuval sem ih
kak da sem zuval sebe z Eltona Johna
ostal sem sam na podu z krvavi pet
i zmoklom frizurom
videl sem čez oblok černojokog v zahajanju
bubnjalo mi je vu vuhi
slika sveta se zgubila vu viheru kakofonije vesmira
bombe su opadale z veji jutra
vmirale su reči v hižam kaj rasteju z vulkanske lave i plaziju jezike oblakem
rušili su se aeroplani, cepelini
vse je bilo raštimano
orkester, misel, slike, varaška kapela
negdo je rekel da je to sam jen den v živlenju
gostil sem se za stolom z lačni ajngeli kaj su zarajtali kreluti
ter su se skrivali na čeke v glibini hoste
spremerzli, mokrih rok od suza, v čakanju pokore
onega jutra gda sem se zbudil v telu Eltona Johna

BILJEŠKE

čital sem denes vesti, o, dečec… – prepjev stiha I read the news today, oh, boy / four thousand holes (Lennon; McCartney, A day in a Life) – pjesma grupe The Beatles iz 1967.; potlam – i onda, kasnije; Elton John – britanski glazbenik; električne škornje (electric boots) – čizme iz pjesme E. Johna Benny and the Jets; Roger Daltrey – britanski glazbenik član sastava The Who; o, dečec – aluzija na dio stiha oh, boy iz pjesme grupe The Beatles A day in the Life; škornjam z visokom petom – aluzija na album grupe Time Život u čizmama s visokom petom; Sabotaža – Sabotage, film Alfreda Hitchcooka iz 1936.; stih bombe su opadale – odnosi se na muzičke fragmente pjesme grupe The Beatles A day in the Life (orkestracija nastala pod utjecajem kompozitora avangarde K. Stockenhausena, L. Beria i J. Cagea, producent G. Martin); zmoklom – mokrom; čeke – čeka (lovačka)