Dve rali zmeržnjenoga jognja | Tomislav Ribić

SNOČKA JE HOLLY PISALA PISMO PRIJATELICI CANDY

Holly je došla z Miamia, F. L. A.
stopirala je na putu čez U. S. A.
vusput si je pukala oberve
obrijala noge ter je on postala ona
Lou Reed, Walk On The Wild Side

gde si ve, moja prijatelica, sme vre duhi preteklosti
gde si, Candy, tvoja tenja se premika na trotoari New Yorka
vsa ta leta brez tebe su tak dugočasno predvidliva
kam se je zgubila ona naša nepotpuna lepota
denes se mora biti tak nadveršno
nosila si Zeitgeist v sebi
pobegnimo od vsih teh škramplavih dnevov tam v kralestvo nebu pod oblake
pronajdimo zgublene čase
se zmisliš gda sme se popele na mesec i lajale
na Petu aveniju, a v tebi se je zbudil on mali plavi dečec
pozabimo ve na vse, ve je vsejen
več nemo popravlale zube
več se nemo rihtale
spijmo dragu pijaču z kristalnih kupic
i najnovejšu mešavinu sintetičkih drog
pogledni ovi zidi letiju na nas
zpisana su naša živlenja na karti vesmira, senjam te
senjam kak sme se smejale v raskalašeni jutri mladosti
v cirkvi gda nas je pričestil otec Paul
reči su se razletele po peroni cajtov
zgublena sem na putu proti tebi
ležim v špitalu, sama, i čutim kak mi se lediju persti
senjam kak ležimo v velkoj sobi prek plavoga ekrana noči
Andy Warhool nas snema i gledi kak
ničemurnost sveta vmira polehko z nami

BILJEŠKE

Holly Woodlawn i Candy Darling – poznate kao superzvijezde iz filmova Andy Warhoola; Candy – glumica i muza grupe The Velvet Underground, obje transgender junakinje pjesme Walk On The Wild Side američkog umjetnika Lou Reeda iz 1972.; nadveršje (nadveršen, neologizam) – savršenost; drago – skupo; ničemurnost – ispraznost