Dve rali zmeržnjenoga jognja | Tomislav Ribić

SENJAL SEM KAK ME JE FITZCARRALDO PREPELAL PREK BREGA I KAK SEM VIDEL ČERLENOGA ZISKAVAVCA V ČASU GDA JE JEMAL GLIVE AMANITE MUSCARIE

predi jutra revolucija vesmira / v senjah mi se vse zmešalo / človek v iskanju genetske memorije / Castaneda, Yaqui, NLO, evolucija / Altered states, čerleni ziskavavec, Amanite muscarie, Sinucuiche, Roswell / na rubu zmed psihodelije i šizofrenije / človek z skafanderom v glaženi cevi z meduzam / Chak Tok Ich’aaka II v njemu progovara / piramide Tikala prideržavaju konec neba / predi erekcije velkoga praska / „bolil me mozek to skladišče v koterom ni več mesta za pospraviti / a tulko tega sem moral nametati da zide nutra“ / negdo me zove / zovem samoga sebe

kak da tonem v senju a mislil sem da je pekel
gubim se med vejam kmice
kak da tonem v pekel a mislil sem da je senja
boli me mozek, to skladišče v koterom ni več mesta
sem gliljak al človek zgubleni
tonem
duh moj kopa po preteklosti v Amazonski hosti, pragozdu
zverinjaku v črevu zemle, neprehodnomu
piče me strah
kak da tonem v pekel, a mislil sem da je senja
negdo zagubleni v meni išče prapočetek
škura graba pela v had
čujem kak vragi tancaju
červe jeju, z kačam se pariju
roke tergaju
Rajnsko zlato topiju
smaragde v lubanju mesto joči devaju
z Alberihovim kosti bubnjaju
goli tancaju, červe bljujeju
kak da tonem v pekel, a mislil sem da je senja
sveti su se sprepleli spoda zemle
Unterwelt, Midgart
a znad njih Fitzcarraldo operu v pragozdu zdiže
za kače i škrate, gliljake
tisuč rok lađu prek brega rivaju
kak da tonem v pekel, a mislil sem da je sen

kak da tonem v senju, a mislil sem da je pekel
gubim se med vejam kmice

BILJEŠKE

boli me mozek… – my brain hurt like a warehouse, it had no room to spare / I had to cram so many things to store everything in there (D. Bowie) Five Years – pjesma Davida Bowiea iz 1972. s albuma The Rise and Fall of Ziggy Stardust and the Spiders from Mars; škura – mračna; Rajnsko zlato i Nibelungi – čudotvorno zlato od kojeg se može iskovati prsten koji daje veliku moć nosiocu; Alberih – nakazni, žaboliki Nibelung; Unterwelt, Midgart – jedan od tri svijeta (prebivalište ljudi); Fitzcarraldo – film njemačkog režisera Wernera Herzoga o Fitzcarraldu, čovjeku koji je gradio operu u srcu Amazone, priča o nadljudskim naporima i želji čovjeka za ljepotom u nepredvidivoj divljini; ziskavavec – istraživač; zezvedavec – radoznao čovjek; Chak Tok Ich’aak II. – kralj plemena Maya, vladar Tikala; Altered States – film Ken Rusella iz 1980., aluzija se odnosi na film Izmjena stanja; Amanita muscaria – sveta gljiva; Sinucuiche – cvjetni grm koje pleme Hinchi u svojim ceremonijama upotrebljava za prizivanje dubokih stanja pamćenja; Castaneda – Carlos Castaneda, peruansko-američki antropolog i pisac; Yagui – šaman, čovjek od znanja po Castanedi, učitelj