Dve rali zmeržnjenoga jognja | Tomislav Ribić

DUBROVAČKO LETO A. D. 1977.

v mladosti vsi puti pelaju zpram zvezdam
vesmirske kerhotine potiho se gasiju
ostanjki alfa aurigida perheču kot pavčina
a ja još ne znam nekše važne stvari
kak da sem v nekakovom drugom vesmiru
na Stradunu snimaju film Okupacija u 26 slika
stare vulice od čkomine, zlata i samine
otpiraju se v noči
iščemo se, skrivlamo se, zgubimo, pa najdemo
Večer je naš prijatelj
rashladil bi na kamenu čelo
veter nosi z skalin po vulicam glas o Anabel Lee
ostala buš v meni Bezimena, šepeče gliljak
vužigaš zvezde z vusnam vručim od prokšenosti
zgubleni v simfoniji miseli iščemo put do hotela
gledim tvoje joči, drobne
snočka si potlam koncerta
razvlekla svoje telo prek mene v sobi nad morjem
zelenci gaziju po čuda mehu
z keliha curi velka tenja
nemirne znuternje
sprepleteni v zganjki do jutra
branimo se od svetla kaj je vušlo v sobu
otoki su gnezda belih ptic
namačeju gležnje v jutreni bonaci
sol na vetru cvete
na koncu vsi poti vodiju zpram zvezd

BILJEŠKE

Još uvijek ne znam neke važne stvari (P. Gotovac; Z. Golob) – šansona Ibrice Jusića, festival Zagreb 1969.; alfa aurigidi – meteorski pljusak koji se pojavljuje krajem kolovoza i početkom rujna; Okupacija u 26 slika – film Lordana Zafranovića iz 1978.; Veče je naš prijatelj – album dubrovačkog dua Buco i Srđan iz 1974.; Anabel Lee – pjesma E. A. Poea s albuma Veče je naš prijatelj; Bezimenoj – pjesma Bezimena Gustava Krkleca, (glazba Zdenko Runjić, pjeva Ibrica Jusić); prokšenost – obijest, neobuzdanost; kelih – kalež; znutrenja – nutrina; zganjka – zagonetka; gliljak – šišmiš; zelenci – bakreni zelenci Maro i Baro koji otkucavaju sate na dubrovačkom zvoniku